როგორ განვაახლოთ პროგრამა SuperFin 6 ინტერნეტიდან:
(იხილეთ განახლების პროცესის დეტალური აღწერა...)

მყიდველის ანგარიშთან მონაცემების დაკავშირებისას მყიდველების და შემკვეთების ფანჯარაში დაემატა ველი ”გასაყიდი ფასის ტიპი”.

ანგარიშ-ფაქტურის ფორმის კიდევ ერთხელ ცვლილების შესაბამისად ანგარიშ-ფაქტურის, გასავლის ზედდებულის და საბუღალტრო ოპერაციის ფანჯრებში დაემატა მესამე ტიპის ანგარიშ-ფაქტურის ბეჭდვის შესაძლებლობა.

მიმდინარე განახლებიდან პროგრამას დაემატა ანგარიშ-ფაქტურის პირდაპირ შემოსავლების სამსახურის ვებ გვერდზე გადატანის საშუალება. ასევე პროგრამას გააჩნია ვებ გვერდთან სინქრონიზაციის საშუალება.

პროგრამის SuperFin და შემოსავლების სამსახურის ვებ გვერდის სინქრონიზაციისათვის, ასევე ანგარიშ-ფაქტურების ვებ გვერდზე მარტივად და სწორად გადატანისათვის საჭიროა, რომ პროგრამაში მითითებული იყოს ორგანიზაციის საგადასახადო ვებ გვერდის რეკვიზიტები.

მენიუში ”სერვისი”, ფანჯარაში ”პარამეტრები” დაემატა ელექტრონული ანგარიშ-ფაქტურების განყოფილება ”ელ. ა/ფ”.

დეკლარირების მომხმარებლის ნაწილში მთ. ბუღალტრის უფლების მქონე მომხმარებლის მიერ მიეთითება ორგანიზაციის საგადასახადო ვებ გვერდზე შესასვლელი მომხმარებელი და პაროლი, ხოლო სერვისის მომხმარებლის ნაწილში სისტემის ყველა მომხმარებელს შეუძლია მიუთითოს ანგარიშ-ფაქტურების პროგრამის ინდივიდუალური მომხმარებლის სახელი და პაროლი.

იმისათვის, რომ პროგრამიდან ანგარიშ-ფაქტურის ვებ გვერდზე გაგზავნისას მასში მოხდეს მყიდველის მონაცემების ავტომატურად შევსება, ორგანიზაციების ფანჯარაში საჭიროა მყიდველი ორგანიზაციის ბარათში შევსებული იყოს საიდენტიფიკაციო ნომრის ველი.

ანგარიშ-ფაქტურების ფანჯარა შემდეგნაირად გამოიყურება.

პროგრამაში გამოწერილ ანგარიშ-ფაქტურას, რომელიც ჯერ გაგზავნილი არ არის ვებ გვერდზე, მდგომარეობის ველი ცარიელი აქვს.

ანგარიშ-ფაქტურის ვებ გვერდზე გაგზავნის მიზნით, მონიშნეთ საჭირო საბუთი, ინსტრუმენტების ზოლში ღილაკზე ზემოქმედებით მოახდინეთ მონიშნული ანგარიშ-ფაქტურის გაგზავნა ვებ გვერდზე. ამ დროს ფაქტურის მდგომარეობა ავტომატურად ხდება ”გამოწერილია” და ფაქტურის წინ ჩნდება მწვანე ფერის ისარი. შედეგად ვებ გვერდზე მიიღება გამოწერილი ანგარიშ-ფაქტურა, რომელიც ჯერ არ არის გადაგზავნილი მყიდველთან. საბუთის მყიდველთან გადაგზავნა და მყიდველის მიერ მისი დადასტურება ხდება მხოლოდ ვებ გვერდზე.

ანგარიშ-ფაქტურის გაგზავნისას, საჭირო ინფორმაციის არარსებობის შემთხვევაში პროგრამას გამოაქვს შესაბამისი შეტყობინება შესაძლო მიზეზების შესახებ.

პრობლემის აღმოფხვრის შემდეგ ანგარიშ-ფაქტურა უპრობლემოდ გაიგზავნება ვებ გვერდზე.

დღგ-ის დაუბეგრავი ბრუნვის შემთხვევაში, ანგარიშ-ფაქტურის რედაქტირების ფანჯარაში, დღგ-ის განაკვეთის ველში შესაძლებელია მიეთითოს ტირე და შესაბამისად ვებ გვერდზეც საქონლის/მომსახურების დღგ-ის ველში აისახება ტირე.

ვებ გვერდზე და სუპერფინში ანგარიშ-ფაქტურების შესაბამისობის შემოწმებისათვის პერიოდულად შესაძლებელია გაკეთდეს სინქრონიზაცია. ამის შემდეგ ანგარიშ-ფაქტურას ვებ გვერდიდან ენიჭება ნომერი.

ინსტრუმენტების ზოლში ღილაკზე ზემოქმედებით ხდება ანგარიშ-ფაქტურების მდგომარეობის შედარება/შემოწმება. შედეგად ვებ გვერდზე გაგზავნილ საბუთს ავტომატურად მიენიჭება მდგომარეობა ”გამოწერილი”, მყიდველთან გადაგზავნილს” - გაგზავნილი”, მყიდველის მიერ დადასტურებულს - ”მიწოდებული”, ხოლო გაუქმებულს - ”გაუქმებული”.

ანგარიშ-ფაქტურებთან მუშაობისას შესაძლებელია მოხდეს სხვადასხვა შემთხვევა, რომლებიც გათვალისწინებულია პროგრამაში. აქვე განვიხილავთ ზოგიერთ შემთხვევას.

საბუთში (გასავლის ზედდებული ან საბუღალტრო ოპერაცია), რომელიც მონაწილეობს ანგარიშ-ფაქტურაში, რომელიც ჯერ არ არის გაგზავნილი ვებ გვერდზე, თუ შევიტანთ თანხობრივ ცვლილებას, ანგარიშ-ფაქტურების ფანჯარაში ეკრანის განახლების (F5 ღილაკი) შემდეგ, ამ საბუთის წინ გაჩნდება ლურჯი კითხვისნიშანი (?) , რაც ნიშნავს, რომ ანგარიშ-ფაქტურის ჯამური თანხა არ უდრის მასში შეტანილი საბუთების თანხების ჯამს. ასეთ დროს ანგარიშ-ფაქტურაში, საბუთი რომელიც შეცვლილია, გამოჩნდება წითლად და გაჩნდება განახლების ღილაკი.

განახლების ღილაკზე ზემოქმედებით ანგარიშ-ფაქტურაში თანხები გადაითვლება ახლიდან, დაემთხვევა მასში შეტანილი საბუთების თანხების ჯამს და შედეგად: საბუთი აღარ იქნება წითელი ფერის, გაქრება განახლების ღილაკი და ანგარიშ-ფაქტურების ფანჯარაში ამ საბუთის წინ გაქრება ლურჯი კითხვისნიშანი.

საბუთში (გასავლის ზედდებული ან საბუღალტრო ოპერაცია), რომელიც მონაწილეობს ანგარიშ-ფაქტურაში, რომელიც უკვე გაგზავნილია ვებ გვერდზე, თუ შევიტანთ თანხობრივ ცვლილებას, ანგარიშ-ფაქტურების ფანჯარაში სინქრონიზაციის ღილაკზე ზემოქმედებით საბუთის მდგომარეობა გახდება ”გასარკვევი” და ანგარიშ-ფაქტურის წინ გაჩნდება წითელი და ლურჯი კითხვისნიშნები (??) ერთდროულად, რაც ნიშნავს, რომ ანაგარიშ-ფაქტურაში მონაწილე საბუთების ჯამური თანხა განსხვავდება ანგარიშ-ფაქტურის თანხისაგან და ანგარიშ-ფაქტურის თანხაც განსხვავდება ვებ გვერდზე შესაბამისი ანაგარიშ-ფაქტურის თანხისაგან. ასეთ საბუთში ავტომატურად ჩნდება განახლების ღილაკი და მასზე ზემოქმედებით ანგარიშ-ფაქტურის თანხა დაემთხვევა მასში შეტანილი საბუთების თანხების ჯამს, რითაც ფაქტურის წინ გაქრება მხოლოდ ლურჯი კითხვისნიშანი. ამ შესწორების შეტანის შემდეგ ანგარიშ-ფაქტურის ხელმეორედ გაგზავნით მისი მდგომარეობა გახდება ”გამოწერილი” და მის წინ გაქრება წითელი კითხვისნიშანიც.

ვებ გვერდზე ანგარიშ-ფაქტურაში, შეტანილ იქნა თანხობრივი ცვლილება. ანგარიშ-ფაქტურების ფანჯარაში სინქრონიზაციის ღილაკზე ზემოქმედებით საბუთის მდგომარეობა გახდება ”გასარკვევი” და ამ ანგარიშ-ფაქტურის წინ გაჩნდება წითელი კითხვისნიშანი (?), რაც ნიშნავს, რომ ვებ გვერდზე და სუპერფინში ერთიდაიმავე ანგარიშ-ფაქტურაში არის განსხვავებული თანხები. ამ საბუთში შესწორების შეტანითა და ხელმეორედ გაგზავნით მისი მდგომარეობა გახდება ”გამოწერილი” და მის წინ გაქრება წითელი კითხვისნიშანი.

გაგზავნილი ანგარიშ-ფაქტურის ხელმეორედ გაგზავნა შესაძლებელია, თუ იგი ვებ გვერდიდან ჯერ არ არის გადაგზავნილი მყიდველთან.

ერთ ანგარიშ-ფაქტურაში მონაწილე საბუთის (გასავლის ზედდებულის და საბუღალტრო ოპერაციის) მეორე ანგარიშ-ფაქტურაში დამატება შესაძლებელია იმ შემთხვევაში, თუ პირველი ანგარიშ-ფაქტურის მდგომარეობა არის ”გაუქმებული”.

საგადახდო დავალების ფორმაში გაერთიანდა მიმღების ანგარიშისა და საბიუჯეტო გადარიცხვის სახაზინო კოდის ველები. აქედან გამომდინარე, მიმდინარე განახლებიდან აღნიშნულ ველში გამოიტანება მიმღების ბარათში სახაზინო კოდის და სალარე ანგარიშის ველში შეტანილი ინფორმაცია.

გასავლის ზედდებულის და მოძრაობა წარმოება ჩამოწერის პირველ დამატებით ინფორმაციაში უკვე ავტომატურად არის შევსებული ტვირთის გამგზავნის მონაცემები, მყიდველის არჩევით კი ავტომატურად ივსება ტვირთის მიმღების მონაცემები.

აქვე დაემატა ტვირთის გაგზავნა/მიღებაზე პასუხისმგებელი პირის სახელისა და თანამდებობის ველები, რომელიც ავტომატურად ივსება გამყიდველი და მყიდველი ორგანიზაციების ბარათში საკონტაქტო პირი და თანამდებობა ველში შეტანილი ინფორმაციით. ეს ინფორმაცია ავტომატურად აისახება სასაქონლო ზედნადების ამოსაბეჭდ ფორმებში.

გასავლის ზედდებულში საბუთის თარიღის შეცვლით ავტომატურად იცვლება გაცემისა და მიღების თარიღები (დამატებითი ინფორმაცია I). საჭიროების შემთხვევაში შესაძლებელია მათი შეცვლა.

როცა გაცემის ან მიღების თარიღი ნაკლებია საბუთის თარიღზე, პროგრამა ზღუდავს სასაქონლო ზედნადების ბეჭდვას და საბუთის თანხმობას, რა დროსაც მიიღება შესაბამისი შეტყობინება.